Mwanamke mgomvi ni kitu kilichochakaa kisichopendeza ingawa wanawake wengi wanachukia na kupinga kwamba si kweli. Ni sawa, wana haki kusema hivyo. Lakini hata hivyo, bado kuna akina mama wagomvi wanaowachokoza wanaume zao, na hivyo, kuathiri ndoa zao.

Angalia, kama mwanaume atasema kwamba atatimiza jambo fulani, atalitimiza.  Hakuna sababu ya kumkumbusha kila baada ya miezi sita!!!  Ni kweli, sisi wanaume tunaweza kusumbua kweli. Ni mara ngapi mke amemwambia mume wake kufanya kitu na hakifanyi, au kutokufanya kitu halafu anakifanya!

Lakini ninyi wake nisikilizeni – kuna hatari. Usimwone mume wako kama mtu aliyevunjika! Hapo ndipo ugomvi unapoanzia. Kadiri mke anavyozidi kumchokoza mume wake, ndivyo mume naye atazidi kumpuuza.

Mithali 21:19  Ni afadhali kukaa katika nchi ya nyika; kuliko na mwanamke mgomvi, mchokozi.   

Sasa bila shaka, wake wengine watachukia na kulalamika, “Hayo Maneno lazima yatakuwa yaliandikwa na mwanamume!”, madai hayo ni ya kweli.  Kuwa mgomvi na kumchokoza mume haitasaidia mke hata kidogo, kwasababu inamkosesha raha.

Mithali 27:15  Kutona-tona daima siku ya mvua nyingi, na mwanamke mgomvi ni sawasawa.

Ndiyo, na hayo pia yaliandikwa na mwanamume – Hongera Mfalme Suleimani,  uliyekuwa mwenye busara kabisa! Lakini tukiacha utani, kuna mambo mke hataweza kuyabadilisha kwenye tabia ya mumewe (na siwezi kuacha kusema, hata mume hawezi kubadilisha tabia ya mke wake).  Lakini kuchokozana na kugombana kunavunja ndoa nyingi.

Kwahiyo, wewe mke, je! Huwezi kumpenda mume wako jinsi alivyo pamoja na mapungufu yake yote, au utaendelea kuwa mgomvi kwake na kumchokoza hadi uvunje ndoa yako?

Hili ndilo Neno la Mungu safi na lenye afya kwa ajili yako leo.