Je!  Umewahi kujitahidi sana na kujinyima mengi ili uweze kutimiza lengo fulani halafu ukishafanikisha, unakuta kwamba kumbe, bado kuna pengo, bado hujaridhika, kwamba mafaniko hayakuwa kama uliyoyatazamia?

Mimi mwenyewe ninaelewa hisia hiyo ya ubatili.  Sehemu ya kwamba ya maisha yangu nilikuwa na shauku kuwa tajiri maarufu.  Kwa kweli nilikuwa nimeanza kupiga hatua – niliendesha gari la fahari, nikiishi ndani ya nyumba ya fahari, nikawa na sifa njema katika fani yangu.  Lakini pengo bado lililokuwepo moyoni liliniumiza mno.

Nikiangalia nyuma, mimi ninaona kwamba tafsiri halisi ya kufeli ni kufanikisha mambo ambayo hayana maana.  Na hii ndiyo mada ya Yesu katika mstari wa tajiri mpumbavu.

Yaani, mashamba ya huyu jamaa yalizaa sana kiasi ilimbidi avunje ghala zake, ajenge kubwa zaidi ili apate pa kuweka mavuno yake.  Sasa, kwa msingi wa mafanikio yake makubwa, alifikia maamuzi kama wengine wengi wanavyofanya na kujiambia, Nimeweka akiba kutosha miaka mingi.  Pumzika, ule, unywe, ufurahie maisha!

Luka 12:20,21  Lakini Mungu akamwambia, Mpumbavu wewe, usiku huu wa leo wanataka roho yako!  Na vitu ulivyojiwekea tayari vitakuwa vya nani?  Ndivyo alivyo mtu ajiwekeaye nafsi yake akiba, asijitajirishe kwa Mungu.

Mpumbavu we!  Alihodhi mali yake, lakini kumbe hakuelewa kwamba muda umemwishia kabisa!  Hii ni changamoto kwa kila mmoja wetu.

Je!  Nawezaje kuzidi kuwa mkarimu?  Je!  Nawezaje kuzidi kupanda mbegu kwa ajili ya ufalme wake Mungu?

Hayo ni maswali magumu, lakini Yesu aliweka bayana kwamba yule atakayefika mwisho wa maisha yake akiwa bado na akiba ya hela nyingi kwenye akaunti yake benki … hawezi kabisa kuhesabiwa kuwa mshindi, wala! 

Hili ndilo Neno la Mungu safi na lenye afya kwa ajili yako leo.