Wakati nilipoamini na kugeuka kuwa Mkristo, nilijiuliza mara kwa mara kwa nini ilimbidi Yesu kufa kwa ajili yangu.  Kwanini alipaswa kupitia mateso yale yote?  Ukiangalia, mimi si mtu aliyefanya kosa la jinai, Kwanini ateswe?

Kuna mambo ambayo tungefanya tofauti tukiangalia nyuma.  Ni kweli kabisa kwamba tusingewaumiza wale ambao tumewaumiza kama tungekuwa na nafasi ya kurudia. Lakini Mungu ni Mungu mtakatifu, Mungu ambaye kanuni zake hazibadiliki, yeye amekamilika asilimia mia.  Pia yeye ni Mungu mwenye haki. 

Mungu huyu huyu ni Mungu wa upendo pamoja  na Haki ndivyo alivyo.  Kwa hiyo njia ya pekee aliyekuwa nayo kwa kutupenda na kutenda yaliyo haki, ilikuwa kumtuma Mwanae Yesu asulubiwe, amwage damu yake, na kutoa uhai wake aweze kulipa deni la dhambi zako na dhambi zangu. 

Ufunuo 1:4,5  … Neema na iwe kwenu na amani, zitokazo kwake yeye aliyeko na aliyekuwako na atakayekuja … tena zitokazo kwa Yesu Kristo, shahidi aliye mwaminifu, mzaliwa wa kwanza wa waliokufa, na mkuu wa wafalme wa dunia.  Yeye atupendaye na kutuosha dhambi zetu katika damu yake. 

Kama vile Charles Spurgeon alivyoeleza: “Maadili yanaweza kukusaidia usiwekwe gerezani, lakini unahitaji damu ya Kristo kukulinda usiende Jehanamu.”  

Hili ndilo Neno la Mungu safi na lenye afya kwa ajili yako leo.