Uma uNkulunkulu ebekubizela ukwenza into ekumangazayo ,ezwakala sengathi iyeqa ,ingale kwakho ,okubukeka sengathi ubedinga ukuthola umuntu o-qaulified kangcono kunawe …ubungaqhubeke uhambe Mlaleli? Yebo ,nebala ubungaya noma cha ?

Angikubingelele,ngikwamukele engosini e-FRESH ,nginguSbonelo BT Ngema ongumlomo ka -Berni Dymet we-Christianity Works.

Asikhulume iqiniso uNkulunkulu wenza izinto ezingajwayelekile kwesinye isikhathi .Ake uthathe u-Johane uMphabhathizi ,izwi lomemeza ehlane ;indoda uNkulunkulu ayibiza ukuba iyolungisela indlela yeNkosi.

Manje ngokokukala ,uJohane wabe engangeni khaxa kulesikhala.Wayegqoka uqhotho lwekamela futhi edla amaqhwagi noju lwezinyosi .Akazange aye eKolishi leBhayibheli kumbe agcotshwe ngokusemthethweni abaholi abakhulu bezenkolo.Cha ,kodwa wabe eliphimbo elalimpongoloza ehlane linomyalezo owabe ungakholakali futhi ungavelele.

NgokukaMathewu 3:1,2 Ngaleyo mihla kwavela uJohane uMbhapathizi eshumayela ehlane laseJudiya, ethi: “Phendukani, ngokuba umbuso wezulu ususondele!”

“Phendukani” ngamanye amazwi phendukani nizishiye izono zenu– “ngokuba uMbuso kaNkulunkulu ususondele ”. Futhi wabhabhathiza abantu ababeza kuye ,qede wabatshela ukuthi , “Yebo impela nginibhabhathisa ngamanzi ,kodwa kukhona onamandla kunami ozayo-futhi Yena uzakunibhabhathiza ngoMoya nangomlilo.”

Manje makungathiwa mina nawe sabe singuNkulunkulu,sasingamkhetha ongangeni khaxa kulesikhala njengoJohane uMbhabhathizi azolungiselela ukufika kukaJesu ,uMdali weZulu nomhlaba onguMsindisi woMhlaba futhi ? Lutho sasingeke sifunele ngakuye .

Kulula kithi ukucabanga ukuthi uNkulunkulu ugcina izikhala zemisebenzi esemqoka ,azigcinele abantu ababukeka bemqoka .Abantu okubukeka izinto zabo zihlangene .

Kodwa ake uvule iBhayibheli lakho ,imvama unika leyomsebenzi abantu ,ubungeke walokotha wacabangela ngakubona .Abantu abanjengami nawe.

Sihlobo sami yeka ukuziqhathanisa nabantu abahle kunawe [ngokokucabanga kwakho] ,wena qhubeka wenze lokhu uNkulunkulu akubizele khona.

Yilona kanye iZwi likaNkulunkulu leli … Eliza kuwe li-Fresh namhlanje..