Manje ungasho ukuthi ukuthokozela kangakanani ukuphila kumbe ukusebenza nomuntu ophakeme ,kumbe nebala ukuzungezwa yiningi labantu abanjalo ? Akuwona umdlalo ,ngakube yiwo?  

Ngokungangabazi ,omunye wemiqondo emibi yilo oxhante empakamweni ,ngoba umuntu ophakeme impilo ingaye kuphela .Umhlaba ujikeleza kubo –ngokuthi bazizwa kanjani ,yini abayifunayo nokuthi abanye bacabanga kanjani ngabo .

Ngalesosizathu bavaleke amehlo ngezidingo ,ngemizwa neqhaza labanye abantu.Bahamba phezu kwakho ukuze bafike la abaya khona .Bayokuziba ,bathengise ngawe ,benze itulo  ngawe ukuze bakhule bona emehlweni abo nasemehlweni abanye abantu .

Yingakho uNkulunkulu ehlale emelene nabaphakeme ebanika umusa abathobile . Yingakho enalokhu ukukusho kuwe nami,ngempakamo yethu:

KwabaseFiliphi  2:3,4 Ningenzi lutho ngombango nangodumo

lwezwe; kepha ngokuthobeka nishaye sengathi abanye bakhulu kunani, yilowo nalowo angabheki okwakhe, kepha yilowo abheke nokwabanye.

Yiseluleko senhlakanipho nembala . Simelwe ngukulawula  impakamo yethu uma sizolandela uJesu ,okwathi nakuba eyiNdodana kaNkulunkulu ,wazithoba kwaze kwaba sekufeni ;yebo ekufeni kwesiphambano uqobo .

Kodwa kuyisifundo futhi ngokukhetha abantu esizizungeza ngabo .Njengokuba omunye wake wathi ,qaphela ukuthi ubani omfaka emkhunjini wakho ,ngoba abanye abantu bayozikisa umkhumbi wonke ngenxa yokuthi nje abakutholi ukuba ngokaputeni .

Ngobani abantu ozizungeze ngabo ? Ngakube bamelwe kwakhona ukuba semkhunini wakho ?  

Yilo kanye iZwi likaNkulunkulu leli … Eliza kuwe li-Fresh namhlanje