Umbuzo uthi ngakube uNkulunkulu engathenjwa ? Phela ekugcineni kwakho konke wenza inqwaba yezethembiso eZwini laKhe .Ezinye zazo zibukeka zididana uma ubuka ngeso lobunhlembethwane bempilo .Zingenzeka ,ngakube engathenjwa naye na?  

Empilweni kungaba mbili kune -theory ne practice . Ungayifunda itheory  uze uqhume izimvu ekhanda kodwa ayikusizi uma ungayenzi .

UBerni uthi nkathi eselisosha babeye bahambe beyoshaya ama  exercise bezilolonga benze sengathi babhekene nesitha .Konke kwakukuhle ngaphandle kokuthi babesuke bephethe izibhamu ngalesosikhathi ezingenanhlamvu .

Uthi wayeye acabange ukuthi ekaze oqobweni lokwenzeka kwezinto lokho kwakuyibo yinto enjani ,ukuzizwa zithi nswi nswi zidlula izinhlamvu zesitha ?  Kwakuyoba njani ukuba ebona uzakwabo zimnetha zikhala enyameni phambi kwakhe ? Ngakube leyo theory yayizosebenza sekunesimo esingeyona theory esesingukwenzeka koqobo .Ndlelanye nezethembiso zikaNkulunkulu aziphatheki kuze kube sekusempini yangempela . 

Ihubo 18 labhalwa yinkosi uDavide elibhekisa kuNkulunkulu ngosuku amkhulula ngalo kuzo zonke izitha zakhe , ngisho noSawuli owayesho ukumchobozela engakahlali esihlaweni:

Amahubo  18:30 Indlela kaNkulunkulu iphelele; izwi likaJehova lihlanzekile; yena uyisihlangu kubo bonke abaphephela kuye.

Lawa ngamagama ashiwo ngumuntu oyibonile lento .Ngamagama lawo omuntu ozimpi zakhe zavivinya izethembiso zikaNkulunkulu ,ezimweni zokuphila nokufa .Yebo nembala uNkulunkulu uyasiholela ezimweni eziyingozi .Kodwa okusalayo … Indlela kaNkulunkulu iphelele; izwi likaJehova lihlanzekile; yena uyisihlangu kubo bonke abaphephela kuye.

Yilo kanye iZwi likaNkulunkulu leli … Eliza kuwe li-Fresh namhlanje.