Manje ake ungixoxele uthini umqondo wakho ngoNkulunkulu ? Umbuka engoPhakade naPhakade? Engaphezu kwakho konke ? Kweyakho inhliziyo nengqondo umbuka enjani ngokoqobo lwaKhe ? 

Ngelinye ilanga ekuseni ,ezikhathini zami zomkhuleko nokufunda iBhayibheli ngazithola ngiya kuNkulunkulu ngi empty ngingenakho engiza nakho .Ngazizwa kusengathi anginakho engizokuthandazela .Kwakungekho lutho nhlobo.Isizathu sokukucobelela lokhu yingoba kuyenzeka kithi sonke  ezikhathini ezithile ,nokho akekho kithi ofuna ukukuvuma  ngisho kithina uqobo lwethu ,sikubeka eceleni ukukhuluma ngakho . 

Siyazi ngomqondo ukuthi uNkulunkulu ungophakade naphakade ,ungaphezu kwakho konke ,unguMdali wezulu nomhlaba .Kodwa kwezinye izinsuku sizizwa sibancane ,sikude le ,ukwazi leloqiniso kwesinye isikhathi linjengento engenakwenzeka engekho .

Ngesikhathi iNkosi uSolomoni yayithandaza phambi kwebandla likaIsrael  ngesikhtahi umphongolo wesivumelwane ,ongobuKhona bukaNkulunkulu ,uqeda kulethwa eThempelini Elisha ,nakhu akusho :

1 Amakhosi  8:27,28Kepha uNkulunkulu uyakuhlala emhlabeni impela na ? Bheka izulu lamazulu alinakukwanela ,pho kakhulu kangakanani lendlu encane engiyakhileyo na? Mawubheke umkhuleko wenceku yakho nokunxusa kwayo,Jehova Nkulunkulu wami uzwe ukukhala nokukhuleka inceku yakho ekukhuleka phambi kwakho namuhla .

Yebo uNkulunkulu mkhulu ukumqonda nokumkala ngeyethu ingqondo ,kodwa uyakulangazelela ukuhlala nathi la emhlabeni .Uyakulangazelela ukulalela imikhuleko yethu .Ngakho ngamhla uzizwa uphansi umncuuhhh ,ungenalutho ongalukhipha ,khumbula ,ukulendawo nawe . 

Yilona kanye iZwi likaNkulunkulu leli … Eliza kuwe li-Fresh namhlanje..