Kwesinye isikhathi uma isidlo sidluliswa kubazalwane ebandleni – ingilazi encane ye grape juice ,nocwezwana oluncane olumnandi lwekhekhe elincane ,ngicela ukwethembeka la ,kuye kuthi angiqhume mase ngikulengxenye .Angikucobelele ukuthi kungani . 

Isidlo singokukhumbula ukufa kukaJesu esphambanweni.

KwabaseKhorinte 11:23,24 Ngokuba mina ngakwamukela eNkosini lokho, nenganinika khona, ukuthi: INkosi uJesu, ngalobo busuku akhashelwa ngabo wathabatha isinkwa,  wabonga, wasihlephula, wathi: “Lokhu kungumzimba  wami ohleshulelwe nina; lokhu kwenzeni ukuba ningikhumbule.”

Kodwa kwabe kungesiso isidlo esimnandi esiqhumuzela kamnandi .Phela ekugcineni kwakho konke noJesu akasiye uMsindisi oyisidlo samakhekhe esimnandi .Cha ,phela babedla isinkwa esingenamvubelo ,esingena-yeast esimbi . 

Ngani?  Ngoba uJesu wabethelwa ngePhasika ,lakhona u-Israel wawukhumbula  ukuthi  uNkulunkulu  wakhulula kanjani okhokho bawo  ebugqilini baseGibhithe .Futhi ngalobo busuku ,badla isidlo sePhasika esiyiwundlu elishisiwe.

Eksodusi  12:8 Bazakuyidla inyama ngalobo busuku,yosiwe ngomlilo;bayakuyidla kanye nesinkwa esingenamvubelo  nemifino ebabayo.

Kodwa kungani isinkwa esingenamvubelo na? Zibili izizathu.Okokuqala kuthatha isikhathi  ukukhukhumala kuka-yeast,babengenaso isikhathi,ngoba ngosuku olulandelayo babedingeka bethi galo yephuka ,nyawo zami ngibelethe beflathele elase-Afrika bebheke eKhenana.Ngokwempilo kwakuphuthuma.Sasingekho esokulinda ukukhukhumala kuka flour ,impilo yabo yayisengcupheni .Futhi okunye ngukuthi imvubelo –yeast – luphawu lwesono ngokweZibhalo.

Futhi lokho kuseliqiniso elinamandla ngokulinganayo nanamhlanje .Kuyaphuthuma ngokwempilo ukubhekana nesono sethu .

KwabaseRoma  6:23 Ngokuba inkokhelo yesono ingukufa, kepha isipho somusa sikaNkulunkulu singukuphila okuphakade kuKristu Jesu iNkosi yethu.

Lokhu kuyaphuthuma .Ungakugudluzeli kolunye usuku .UJesu weza ukuzokusindisa .

Yilona kanye iZwi likaNkulunkulu leli … Eliza kuwe li-Fresh namhlanje..